ბენზოკაინ–N–2,3,4-ტრი–O-აცეტილ-β-D- ქსილოპირანოზიდის წარმოებულების სინთეზი და შესაძლო ბიოლოგიური აქტიურობის პროგნოზი

ავტორი: არამ ბაზიკიანი
საკვანძო სიტყვები: გლიკოზიდი
ანოტაცია:

სილიციუმის შემცველი ნაერთები მნიშვნელოვან როლს ასრულებს სასიცოცხლო პროცესებში და ბევრი მათგანი (განსაკუთრებით ორგანული) სპეციფიკურ გავლენას ახდენს ცოცხალ ორგანიზმებზე. ჩვენი სამუშაოს მიზანი იყო ახალი ტიპის სილიციუმის შემცველი ბენზოკაინ-β-D- გლუკო– და ქსილოპირანოზიდების სინთეზი და სინთეზირებული ნაერთთა ბიოლოგიური აქტიურობის პოტენციალის პროგნოზი. ბენზოკაინ–N-2,3,4-ტრი-O-აცეტილ-β-D-ქსილოპირანოზიდის ტრიმეთილქლორ– სილანით, ტრიფენილქლორსილანით და თუთიის მტვერით მშრალი ქლოროფორმის არეში N–სილილირებით პირველად იქნა სინთეზირებული შესაბამისი N-ტრიმეთილსილილ–ბენზოკაინ-N-2,3,4-ტრი-O-აცეტილ-β-D-ქსილოპირანოზიდი და N-ტრიფენილსილილ–ბენზოკაინ- N-2,3,4-ტრი-O-აცეტილ-β-D-ქსილოპირანოზიდი სინთეზირებულ ნაერთთა აღნაგობა დადგენილ იქნა კვლევის ფიზიკო–ქიმიური მეთოდებით. კომპიუტერული პროგრამის PASS Online-ის დახმარებით სინთეზირებული ნაერთებისთათვის დადგენილ იქნა შესაძლო ბიოლოგიური აქტიურობისა პოტენციალი. მიღებული ნაერთების ბიოლოგიური აქტივობის პროგნოზირებული მონაცემებით გამოავლინდა რესტენოზის მკურნალობის, ანტიჰემორაგიული, ანტინეოპლასტიკური, ანტიდიაბეტური, ანთების საწინააღმდეგო, ანტიჰიპერტენზიული, ანტიბაქტერიული და სხვა სახის აქტიურობის პოტენციალი.