მეთორფანის ენანტიომერების რაოდენობრივი განსაზღვრა ადამიანის სისხლში და მისი გამოყენება სიკვდილის შემდგომ ნიმუშებზე მაღალეფექტური სითხური ქრომატოგრაფია მას-სპექტრომეტრიის გამოყენებით.

ავტორი: ლაშა გიუნაშვილი
თანაავტორები: ბეჟან ჭანკვეტაძე
საკვანძო სიტყვები: ენანტიოსელექტიური, მეთორფანი
ანოტაცია:

წინამდებარე ნაშრომში დამუშავდა მაღალეფექტური სითხური ქრომატოგრაფია მას-სპექტრომეტრიის (LC-MS/MS) ენანტიოსელექტიური მეთოდი დექსტრო და ლევო-მეთორფანის და მათი ფარმაკოლოგიურად შესაბამისი მეტაბოლიტების, დექსტრორფანის და ლევორფანოლის დაყოფისა და რაოდენობრივი განსაზღვრისთვის ადამიანის სისხლის ნიმუშებში. მეთორფანის და მეტაბოლიტების ენანტიომერების დაყოფა განხორციელდა პოლისაქარიდზე დაფუძნებულ ქირალურ სვეტზე Lux Cell 3-ზე მეთანოლი/წყალი მოძრავი ფაზის გამოყენებით. ამ მეთოდის გამოყენებამ ადამიანის სიკვდილის შემდგომ სისხლის ნიმუშებზე დაადასტურა დექსტრომეტორფანის, ლევომეტორფანის და უფრო იშვიათ შემთხვევებში ორივეს დოზის გადაჭარბების შემთხვევები.