ტემპერატურით ინდუცირებული ელექტრული პერკოლაციის პროცესზე არაიონური დანამატების გავლენის შესწავლა AOT-ის შებრუნებულ მიკროემულსიებში

ავტორი: თამარ ქიტიაშვილი
საკვანძო სიტყვები: ნატრიუმის ბის (2-ეთილჰექსილ) სულფოსუქცინატი, შებრუნებული მიკროემულსიები; კოსმოტროპული და ქაოტროპული არაიონური დანამატები, ტემპერატურით ინდუცირებული ელექტრული პერკოლაცია, აქტივაციის ენერგია.
ანოტაცია:

შესწავლილია ანიონური ზედაპირულად აქტიური ნივთიერების ნატრიუმის ბის (2-ეთილჰექსილ) სულფოსუქცინატის საფუძველზე მომზადებულ შებრუნებულ მიკროემულსიებში ტემპერატურით ინდუცირებული ელექტრული პერკოლაციის პროცესი. გამოკვლეულია ელექტრული პერკოლაციის ზღურბლზე არაიონური კოსმოტროპული და ქაოტროპული ბუნების დანამატების გავლენა. გამოთვლილია ტემპერატურით ინდუცირებული ელექტრული პერკოლაციის აქტივაციის ენერგია აღნიშნული მიკროემულსიებისთვის.